„Педесет нијанси сиво“ - најпопуларна книга за 2012

Еротскиот роман на британската писателка Е.Л. Џејмс е добитник на една од најпрестижните британски книжевни награди „Specsavers National Book Award“, попозната и како оскар во издавачката индустрија

Еротскиот роман „Педесет нијанси сиво“ („Fifty Shades of Grey“) на британската писателка Е.Л. Џејмс е добитник на една од најпрестижните британски книжевни награди „Specsavers National Book Award“, уште попозната и како оскар во издавачката индустрија, во категоријата најпопуларен роман на годината по мислење на читателите.

Романот за сексуалните авантури на студен��ката и нејзиниот успешен и богат, садомазахистички дечко, е најпродавана книга на сите времиња, освојувајќи 75 отсто од гласовите на читателите, пишува британски „Гардијан“.

Организаторите истакнуваат дека победата на еротскиот роман на британската писателка популарно наречен „порнографија за мајки“ е очекувана, со оглед на тоа дека се работи за најпродаваниот британски роман на сите времиња - до денеска само во Велика Британија е продаден во повеќе од шест милиони примероци, односно во повеќе од 65 милиони копии низ светот.