Есма и Влатко Лозаноски ќе ја претставуваат Македонија на Евросонг



Со овој необичен спој на искуство и младост, МРТ верува дека ќе ја постигне единствената посакувана цел – достојно претставување на Македонија пред европската и светска културна јавност

Кралицата на ромската песна Есма Реџепова и Влатко Лозаноски-Лозано годинава ке ја претавуваат Македонија на Евросонг, што ке се одржи во мај во Малме, Шведска.

Со овој необичен спој на искуство и младост, МРТ верува дека ќе ја постигне единствената посакувана цел – достојно претставување на Македонија пред европската и светска културна јавност.

- Мислам дека ке бидеме добра комбинација со Влатко бидејки гласовните можности ни се поклопуваат и ке биде супер. Срекна сум, можам да дадам придонес, ме знаат во Европа. Сега не зборувам за пласман ама ми е важно да ја претставувам Македонија. Се споија младоста и искуството. Супер е Влатко, јас многу го почитувам како пејач. Ете со Адријан Гаџа конкуриравме и не отидовме ама сега МТВ сама ме одбра - вели Есма.

И Влатко е презадоволен, вели дека му се исполнила желбата.

- Задоволство и чест ми е да ја претставувам Македонија. Есма е поискусна и се надевам дека ќе имаме добра песна и секако добар пласман. Мислам дека сме добра спој. Ни се јавија од МТВ, ни кажаа дека сме одбрани и не прашаа дали прифаќаме. Секако дека прифаќам, голем предизвик е и да се настапи со Есма и да се биде дел од Евросонг. Но, и одговорност. Можеби не ова година ама ете таа е државта, тие се пејачите. Јас четири години настапував на домашниот избор, сум бил при врвот но не сум победил - вели Влатко.

Официјалното претставување на композицијата со која Македонија ќе се натпреварува во Малме, ќе биде кон крајот на февруари 2013 во студиото 3 на Македонската телевизија.