Продолжува „сечата“ на генерали во Турција 

АНКАРА - Поранешниот турски началник на Генералштабот, генерал Исмаил Хаки Карадај, е притворен поради воената интервенција со која беше соборена происламската влада во 1997 година.

Генералот Карадај беше уапсен во неговиот дом во Истанбул и пренесен во главниот град Анкара, на сослушување. Тој е осомничен за помагање на она што стана познато како постмодерен државен удар, бидејќи не учествуваа војници.

Поранешниот премиер Неџметин Ербакан беше принуден да поднесе оставка во 1997 година, по што следеше цивилна влада. Во мај лани беа обвинети уште шест пензионирани генерали, поврзани со отстранувањето на Ербакан од власт.

Од друга страна, продолжуваат истражувањата во врска со тврдењата за обид за државен удар од страна на војската. Турската војска долго време се гледаше како гарант на секуларниот устав на земјата, велат аналитичарите. Тоа организираше три удари меѓу 1960 и 1980 година, и веќе подолго има тензии со Партијата на правдата и развојот (АКП) на премиерот Реџеп Таип Ердоган.

Турскиот суд во септември осуди тројца поранешни армиски генерали по 20 години затвор, за заговор за друг државен удар. Речиси 330 полицајци беа осудени за инволвираност во заговорот. Тие беа обвинети за ковање заговор за напади врз џамии и обид да предизвикаат војна со Грција, со цел да оправдаат воен удар против избраната влада на Ердоган во 2003 година. (Би-Би-Си)