(ФОТО) Пожар во салата на КК „Работнички“

ФОТО: Петр Стојановски

Кошаркарскиот храм во Градскиот парк во Скопје можеше да изгори до темел доколку не беше брзата интервенција на пожарникарите. Денсека, околу 13,35 часот избувна оган во една од канцелариите на Сојузот на спортови на Град Скопје.

„Најверојатно поради дотраена инсталација. Се исплашивме, брзо излеговме надвор, среќа дојдоа пожарникарите и го изгаснаа оганот. Погледнете ја салава, целата е во дрво, можеше да пламне за пет минути“, велат вработените.

Додека надлежните вршеа увид, струјата беше исклучена, а чадот од оганот се ширеше низ целата сала. Домот на кошаркарскиот клуб „Работнички“, во кој се одиграни стотици историски натпревари, се смета за од препознатливите спортски симболи на Скопје. (Г.А.)