04.01.2013, 17:29 Бадникарски собир пред Соборниот храм
Со нафора, чај, топла ракија, со осветување на бадниковите гранчиња и подигање на бадниковото знаме, в недела 21. пат пред Соборниот храм „Св. Климент Охридски“ се организира традиционалниот Бадникарски собир. Прославата почнува во 10 часот со благослов и сечење на кумовата погача, по што на присутните ќе им се обратат поглаварот на МПЦ, г.г. Стефан, и новите здравичари, Влатко и Силви од „Силви бенд“, кои се и исполнители на Бадникарската химна. Прославата ќе кулминира со предавање на Бадниковиот ќуп, кој г.г. Стефан ќе му го предаде на годинашниот кум, скопскиот бизнисмен Даниел Воиновски. Сите присутни граѓани ќе можат да се послужат со погача и топла ракија и да си земат осветено бадниково гранче. На крајот, во 13 часот кумот ќе си замине со пајтонот што веќе стана препознатлив заштитен знак, потсетувајќи на старите скопски времиња. (Б.Ш.) |
