03.01.2013, 15:51 Хасани на трансфер-листа во Волфсбург
За Хасани пројавија интерес грчки ПАОК и германски Фрајбург
Ферхан Хасани се најде на официјалната трансфер-листа на германскиот бундеслигаш Волфсбург, кој бара 300.000 евра за отштета од клубот што ќе реши да го доведе во своите редови македонскиот репрезентативец во зимскиот преоден рок. Хасани во Волфсбург го доведе бившиот тренер Феликс Магат, но новиот генерален менаџер Клаус Алофс и новиот шеф на Стручниот штаб, Дитер Хекинг, решија да се ослободат од повеќето од тогашните 11 засилувања, меѓу кои и Ферхан.
За Хасани пројавија интерес грчки ПАОК и германски Фрајбург. Врз него беше направен прекршокот за пенал, од кој Агим Ибраими го постигна победничкиот гол против Србија во последниот натпревар во Скопје од квалификациите за Светското првенство 2014 во Бразил.
|
