03.01.2013, 13:29 Клиперси тргнаа во погрешен правец!
Тимот од Лос Анџелес го запиша вториот пораз во серија откако на гостувањето кај Голден Стејт беше поразен со 115:94
Откако со 17 победи во низа го срушија клупскиот рекорд, Лос Анџелес Клиперс малку „издишаа“ и го запишаа вториот пораз во серија. Новиот удар за тимот од „Градот на ангелите“ дојде на тешкото гостување кај Голден Стејт, фаворизираните гости ги совлада со убедливи 115:94.
Централна фигура на теренот беше Стивен Кари со 31 поен (6/8 за три поени) и осум асистенции. Добра игра прикажа центарот на домашниот состав Дејвид Ли, запиша 24 поени, 13 скока и седум асистенции.
На другата страна Џамал Крафорд со 24 и Крис Пол со 23 поени беа подобри од останатите соиграчи.
Бранител��т на круната, Мајами имаше уште една тешка вечер. За победа над Далас (119:109) на „жешките“ им беше потребно продолжение во кое главниот збор го имаше тандемот Леброн Џејмс - Двејн Вејд.
„Кралот“ пружи феноменална партија, застана на 32 поени, 11 скока и девет асистенции, а додека Вејд запиша 27 поени и десет скока.
До продолжението гостите дојдоа благодарение на Дирк Новицки кој преку својот каратеристичен скок-шут го однесе мечот во продолжение. А таму на сцена настапи тимот од Флорида, овој дел го реши со 16:6 за 22 победа во сезоната.
Лидерот на Западната конференција Оклахома претрпе изненадувачки пораз на домашен терен и тоа од Бруклин (93:110). Мечот беше толку динамичен за што говори крајниот резултат, на кратко кажано Тандерси им дозволија на гостите да ги „разнишаат“ целосно уште во првото полувреме (55:32), а во продолжение и покрај тоа што успеа да израмнат на 85:85 немаа решение за одличниот Џо Џонсон и неговите 33 поени.
Покрај Џонсон добро одигра Брук Лопез со 25 поени и Дерон Вилијамс со 19 поени и 13 асистенции.
Кевин Дурант со 27 поени поради приговор кон судијата доби техничка грешка поради што мечот го заврши порано.
„Сметав дека судиската одлука беше погрешна и затоа реагирав. Судиите имаат низок ранг на толеранција, мислам дека имам целосно право да биде фрустриран, да покажам емоции, тоа е кошарката“.
Резултати: Индијана - Вашингтон 89:81, Торонто - Портланд 102:79, Кливленд - Сакраменто 94:97, Орландо - Чикаго 94:96, Мајами - Далас 119:109 (прод), Бостон - Мемфис 89:93, Хјустон - Њу Орлеанс 104:92, Милвоки - Сан Антонио 110:117, Оклахома - Бруклин 93:110, Феникс - Филаделфија 95:89, Јута Џез - Минесота 106:84, Голден Стејт - Лос Анџелес Клиперс 115:94.
|
