|
03.01.2013, 15:46 Полска не стравува за Пипан
Од Полската кошаркарска федерација потврдуваат дека Словенецот останува нивен селектор
Алеш Пипан на кормилото на македонската кошаркарска репрезентација е одлично решение, но засега тешко остварливо. Иако пред неколку дена Словенецот потенцираше дека не ја исклучува можноста да го предводи нашиот национален тим, сепак од Полска стигаат поинакви информации. Земјата каде што Пипан е се' уште актуелен селектор не е загрижена за тренерското место на репрезентацијата за претстојното Европско првенство во Словенија.
Во интервју за полски „Спортски факти“ првиот човек на тамошната кошаркарска федерација Гжегорж Бахански изјави дека со Пипан работите се одвиваат непречено и дека полека се крои програмата за подготовките за евробаскетот.
„Разговарав со Алеш Пипан, сите клучни прашања за репрезентацијата се одвиваат лесно. Националниот состав е работа за која се потребни двомесечни подготовки. Планот за Европското првенство се одвива непречено и покрај тоа што Пипан пред два замина во Скопје каде што е тренер на МЗТ Скопје. Постојано сме во контакт за организацијата и состојбата на кошаркарите на нашата репрезентација. Заедно се обидуваме да го најдеме вистинскиот рецепт за полската кошарка“, вели претседателот на ПКФ, Гжегорж Бахански.
Селекцијата на Полска на евробаскетот во Словенија за противник ги доби домаќинот, Шпанија, Хрватска Грузија и Чешка. (М.К.)
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 9°C
Претежно облачно
|
Сабота
Делумно облачно
Макс: 4°C, Мин: -2°C
|
Недела
Ведро
Макс: 2°C, Мин: -4°C
|
|
|
|
|
|
|
Фељтон
Јованка Броз – ТИТОВА СОВЛАДЕТЕЛКА (44)Љубовницата на Тито.„Утрински весник“ специјално за своите читатели во целост ги објавува сите 50 продолженија на фељтонот „Јованка Броз-Титова совладетелка“ |
|
