30.12.2012, 11:56 Витни Хјустон и „Гангам Стајл“ најбарани на интернет во 2012
Најпребарувани настани се ураганот „Сенди“, голите фотографии на Кејт Мидлтон и Олимписките игри 2012
Корисниците на „Гугл“ најмногу ги интересираат музичарите! Барем така може да се заклучи од пописот на Гугл за најбарани поими во изминатава 2012 година на овој интернет-пребарувач. Имено, на првото место се наоѓа Витни Хјустон, чија смрт оваа година растажи многубројни обожаватели, додека на второто место е „Гангам стајл“, песната на јужнокорејскиот музичар Псај. На третото место е ураганот „Сенди“, додека „ајпад 3“ е на четврто место, а Олимписките игри 2012 го Лондон се дури на седмото место.
Витни Хјустон исто та��а е прва на списокот на најбараните личности на „Гугл“, пред Кејт Мидлтон и Аманда Тод...
Најпребарувани настани се ураганот „Сенди“, голите фотографии на Кејт Мидлтон и Олимписките игри 2012.
Музичарите апсолутно доминираат кога станува збор за фотографии. На првото место на најбарани слики е бој-бендот „Уан дајрекшн“, чиј пак член Хари Стајлс е на седмото место. Втора е Селена Гомез. На петтото и десеттото место се Ники Минаж, односно Кејти Пери. Од немузичките фотографии, најбарани се оние на „ајфон 5“, кои се најдоа на третото место.
Списокот на најбараните спортисти го предводи кошаркарот Џереми Лин, а меѓу филмовите најпопуларен е „Игра на глад“. На списокот на електронски уреди, чии називи луѓето најчесто ги „гуглале“ се наоѓаат: „ајпад 3“ „самсунг галакси С3“ и „ајпад мини“.
|
