25.12.2012, 15:21 Реал бара голман за следната сезона?
Потегот на Жозе Мурињо кога на мечот против Малага одлучи да го остави на клупата капитенот и долгогодишниот голман Икер Касиљас е главна тема веќе неколку дена.
По овој дуел во кој актуелниот шампион беше поразен и целосна ја загуби трката со Барселона, Португалецот не го погодија критиките на навивачите и медиумите кој веќе долго време го селат од Реал, а сега веќе пишуваат дека кралскиот тим бара нов голман.
„Реал бара нов голман за следната сезона, со што би се зголемила конкуренцијата на Касиљас, сепак тој ќе биде замена доколку се повреди првиот голман. Клубот смета дека во моментов има голема разлика меѓу Касиљас и неговата замена, па затоа одат во потрага по висок профил со кој капитенот би се борел за прв голман, пишува шпански АС.
|
