(ФОТО) Опозицијата го блокираше „Рекорд"



Вечерва од 18 до 18.30 часот, коалицијата „Сојуз за иднина“ низ градовите организираше блокади на главните сообраќајници

ФОТО: Петр Стојановски

Со блокадата во Скопје, половина час беше блокирана крстосницата пред „Рекорд“, а повеќе од 2.000 граѓани го запреа сообраќајот во тоа време. На блокадите беше целото раководство на СДСМ и на коалицијата „Сојуз за иднина“.

Оваа форма на протест масовно беше поддржана и од струмичани, а блокади се одржаа во исто време и во другите градови. Во Охрид вечерва беше блокирана една од главните крстосници во градот, како протест против „тоталитарната власт и диктатура“.

Потпретседателот на СДСМ, Гордан Георгиев, истакна дека ова е одговор на опозицијата после вчерашниот кобен ден. Тој напомена дека отпорот што ја зафати цела Македонија ќе продолжи со разни активности, од кои за некои јавноста ќе биде запознаена, а некои ќе се случуваат и без најава.