Опозицијата го напушти парламентот и излезе на улица



Неколкумина пратеници од опозицијата се повредени во турканиците што се случуваа околу парламентарната говорница

ФОТО: Киро Попов

Ма­ке­дон­ски­от парламент го преживеа денеска можеби најнапрегнатиот и нај­ха­о­ти­чен ден во својата 22-годишна плурална историја. Буџетот, за кој со не­де­ли се водеше жестока дебата во собраниските комисии, беше донесен денеска, по што координаторот на пратеничката група на СДСМ, Игор Ивановски, об­ја­ви дека опозицијата го напушта законодавниот дом и дека веќе не го приз­на­ва овој парламент.

„Во парламент веќе нема враќање, парламент веќе нема. Овој парламент веќе не го признаваме. Победа ќе извојуваме како партизаните во 1945“, рече Ива­нов­ски откако опозиционерите го напуштија Собранието и им се приклучија на протестантите на улица.

Пра­те­ни­ци­те од мнозинството го изгласаа буџетот откако собраниското обез­бе­ду­ва­ње ги исфрли од собраниската сала нивните колеги од опозицијата, кои прет­ход­но неколку часа ја „окупираа“ говорницата, која ја покрија со ма­ке­дон­ско­то знаме, во обид да го спречат донесувањето на фискалниот план за 2013 го­ди­на, кој Владата го усвои претходната вечер иако тој не ги помина ко­ми­сис­ки­те филтри во парламентот. Неколкумина пратеници од опо­зи­ци­ја­та се повредени во турканиците што се случуваа околу парламентарната го­вор­ни­ца. Тројца од нив биле задржани во болница.

Соб­ра­нис­ки­от ден почна со кошкања меѓу пратениците од ВМРО-ДПМНЕ и од СДСМ, продолжи со евакуација на спикерот Трајко Вељаноски од пар­ла­мен­тар­на­та сала и со бркање на новинарите од галеријата, а кулминираше со ин­тер­вен­ци­ја на засиленото полициско обезбедување во парламентот кое ги изнесе од салата опозициските пратеници. По сите овие случувања, пратениците од мно­зинс­тво­то го донесоа буџетот, а чинот беше поздравен со аплауз.

Опо­зи­ци­о­не­ри­те кои ја поминале претходната ноќ во своите канцеларии во пар­ла­мен­тот утрото решиле да испратат свои претставници на по­не­дел­нич­ка­та координација кај Вељаноски. Потпретседателот на Собранието, Јани Мак­ра­ду­ли, и координаторот на пратеничката група на НСДП, Горан Мисовски, ја на­пуш­ти­ле координацијата откако го предупредиле Вељаноски дека тој ќе би­де најодговорен ако се случи судир меѓу граѓаните и откако не го успеале да го убедат да се откаже од итното донесувањето на буџетот.

По­тоа пратениците од опозицијата, кои тврдеа дека вчера не добиле картици за да можат да учествуваат на пленарната се��ница, застанаа пред главната вра­та на собраниската сала, во обид да ги спречат колегите од мнозинството да влезат во просторијата. Кога тие, сепак, успеаја да влезат преку споредните вле­зо­ви, опозицијата се втурна кон говорницата, при што интервенираше обез­бе­ду­ва­ње­то кое го изнесе Вељаноски надвор од салата. Во турканицата беа повредени пратеничките на СДСМ Весна Бендевска и Билјана Казанџиска, кои прво беа префрлени во собраниската амбуланта, а потоа и во болница.

По неколку часа, петнаесетина припадници на обезбедувањето беа ан­га­жи­ра­ни на отстранување на новинарските екипи од галеријата, од каде што тие ги сле­деа случувањата во салата. Претседателот на ЗНМ, Насер Селмани, кој, ис­то така, беше истуркан од салата, изјави дека ова е неодговорно однесување на власта и нејзин обид да се пресмета со новинарите. „Со овој чин е ис­пра­те­на во светот вистинската слика за Македонија. Ова е вистината за Ма­ке­до­ни­ја. Но, знам дека тие што сакаат да се пресметаат со новинарите на крај за­вр­шу­ва­ат неславно“, рече Селмани.

Са­мос­тој­ни­от синдикат на новинарите реагира дека исфрлањето  на но­ви­нар­ски­те екипи од парламентот, во момент кога таму се случува настан од ин­те­рес на јавноста, е досега непознат преседан за новинарската професија.

След­ни­от чекор беше „ослободување“ на говорницата од пратениците на опо­зи­ци­ја­та. Во турканицата што се создала тогаш се повредени пратеничките Ма­ри­не­ла Тушева и Радмила Шекеринска, која колегите на раце ја изнесоа од са­ла­та. Пратеникот Митре Вељаноски, пак, колабираше.

За случајот со бремената пратеничка Тушева, координаторот на пратеничката гру­па на СДСМ, Игор Ивановски, најави кривична пријава против, како што ве­ли, познат сторител, поради загрозување на два живота.

От­ка­ко опозицијата беше истуркана од говорницата и од салата, пратениците од мнозинството го донесоа буџетот со 65 гласа „за“ и четири „против“. (А.М.М.)

Ре­ак­ци­ја на Вељаноски

На денешната координација, како што соопштија од Кабинетот на прет­се­да­те­лот на Собранието, присуствувале Трајко Вељаноски, пот­прет­се­да­те­ли­те и координаторите на пратеничките групи, но не и координаторот на СДСМ, Игор Ивановски.

Од Кабинетот на Вељаноски соопштија дека координаторот на СДСМ, со неп­ри­сус­тво­то на координацијата, покажува непочитување на член 24 од За­ко­нот за Собранието, во кој е предвиден политичкиот дијалог во пар­ла­мен­тот. Очигледно е оти неговото учество на координативните средби минатата не­де­ла, како координатор на најголемата опозициска партија во Собранието, би­ло наменско: преку ултиматум и уцена да се добие алиби за пре­диз­ви­ку­ва­ње хаос, непочитување на институциите и злоупотреба на граѓаните и ули­ца­та за своите теснопартиски сценарија и интереси“, се наведува во со­оп­ште­ни­е­то на Вељаноски. (П.Р.)