Шерил Кол
Најсекси славеничка во Британија
Шерил Кол, една од членките на женскиот бенд „Грлс алауд“ и сопруга на фудбалерот Ешли Кол, го прослави дваесетишестиот роденден во друштво на својот сопруг, семејството и пријателите.
На својот роденден одлучила да биде во центарот на вниманието и да не дозволи да ја засени некој од присутните, меѓу кои биле Дани Миног и Ема Бантон.
Па, за таа прилика облека фустан кој повеќе откривал отколку што криел. Градите, стомакот, тетоважата, нозете... се' било на виделина.
За да го дополни својот секси изглед, се исончала, направила надградба на косата, ставила вештачки клепки и нокти.
Фустанот е од Александар Меквин, кој чини 4,126 фунти, а е инспириран од дваесеттите години на минатиот век.
Но, вниманието за Шерил во еден момент успеала да го украде нејзината мајка, која во кратко фустанче открила речиси се', што дури британските медиуми одлучиле да не ја пуштаат фотографијата во јавноста. |
