Моргенштерн го надлета и Енгелберг

Австриецот Томас Моргенштерн ја забележа и втората победа во вториот натпреварувачки ден на скокалницата во швајцарски Енгелберг. Откако славеше во петокот по само една серија (лоши временски услови) во пресметка со конкуренција, тој се радуваше и во саботата кога успеаја да се одржат две натпреварувачки серии. До новата победа во Светскиот куп Моргенштерн стигна со скокови од 135 метри и 135,5 метри што му донесоа 291 бод. На второто место се пласира послкиот ветеран Адам Малиш со 288,8 бода (137 метри/135 метри), како трет заврши Финецот Мати Хаутамеки со 284,8 бода (135/135).

Моргенштерн води во генералниот пласман во Светскиот куп со 525 бода пред сонародникот Андреас Кофлер со 380 и Виле Ларино, на третото место, со 321.