Спустот во Вал Дизер за Вон

Американката Линдзи Вон победи во третиот сезонски спуст во француски Вал Дизер со време од 1:51,42 минути. Второто место со 68 стотинки заостанување и' припадна на Швајцарката Надја Камер, трета беше нејзината сонародничка, Лара Гут (+0,80 стотинки).

За бранителка на титулата во Светскиот куп ова е втора победа сезонава по Лејк Луис каде што триумфира во супервелеслалом, вкупно 35 во нејзината кариера.

Германката Марија Риш која победи во првите два спуста во оваа сезона овојпат заврши на слабото 24 место со 2,28 секунди послабо време од Вон. Риш останува лидер во генерланиот пласман со 533 бода по девет трки пред Вон која има 481 бод и Елизабет Гергл со 286.