За Вела заврши СП 2010?

Фудбалерите на Мексико ја совладаа Франција, но притоа останаа без Карлос Вела, можеби и до крајот на Шампионатот. Мексиканскиот напаѓач го повреди бутниот мускул и лесно може да го пропушти остатокот на СП 2010.

„Се' уште ги чекаме конечните лекарски наоди, но се чини дека се работи за повреда која може да го оддалечи од терените цел месец. Стравувам од можноста дека ова првенство е завршено за него“, изјави Хавиер Агире, селектор на Мексико.

Во последниот натпревар од групата А, Мексико го очекува натпревар со Уругвај, во кој евентуално реми ќе ги одведе обете репрезентации во наредниот круг. За тој меч Агире ќе мора да бара замена и за суспендираниот Ефраин Хуарез кој во дуелите со Јужна Африка и Франција доби по еден жолт картон.