Три години затвор за украдени билети

Властите во Јужноафриканската Република формираа посебен суд за време на одржувањето на СП. Негова цел е преку брзи и кратки постапки да изрекува казни за оние што ги заслужуваат.

Помалку бизарен пример за работата на ваквите судови доаѓа од Преторија. Тамошниот суд изрече тригодишна затворска казна за еден Нигериец бидејќи поседувал 30 украдени билети за натпреварите на Мундијалот.

„Тој е осуден на основа на поседување украдени билети и изречена му казна затвор во траење од три години без можност за помилување. Откриено е дека картите се купени од две лица и тоа преку интернет, но нивните адреси не може да се откријат“, изјави Сали де Бер, портпаролка на еден од новоформираните судови за време на Светското првенство во Јужна Африка.