Лига на шампиони
Финалето во 2013. повторно на Вембли
17.06.2011, 12:29
Финалето во Лигата на шампиони во 2013 година ќе се одржи на Вембли, кој во минатиот месец беше домаќин на финале во ова сезона.
По логистичкиот и финансиски успех на финалето во оваа сезона на култниот стадион на кој Барселона со 3:1 го совлада Манчестер Јунајтед, УЕФА одлучи повторно по само две години финалето да се игра во Лондон.
Претседателот на УЕФА, Мишел Платини изјави дека Извршниот одбор го избрал Вембли за општо добро на фудбалот, но и затоа што Англискиот фудбалски сојуз (ФА) во 2013 година ќе слави 150 години од основањето.
„Чувствувавме дека наша должност е да ја зголемиме прославата на ФА на еден посебен начин. Затоа се одлучивме да се вр��тиме во Англија, конкретно на стадионот Вембли", изјави Платини, кој одби да ги објави останатите противкандидати:
„За финалето на Лига на шампиони секогаш има многу кандидати", рече Французинот.
Инаку стадионот во Лондон веќе шест пати беше домаќин на финалниот натпревар за титулата шампион на Европа, повеќе од било кој друг стадион.
Ова е прв случај во историјата во последните три години, два финални меча да се играат на ист стадион. Вембли еднаш беше домаќин на два финални натпревари во четири години, меѓу 1968 и 1971 година.
|
