Околу половина од играчите странци

Според податоците на швајцарската организација The Professional Football Players Observatory, дури 139 Бразилци играа во петте најсилни европски лиги во минатата сезона. По нив следуваат Аргентинците со 120 претставници иако една година претходно во Премиер-лигата, Бундес-лигата, Серија А, Примера и Ла Лига имаше 60 „гаучоси“ помалку.

Студијата покажа дека во петте најсилни европски лиги играа 42,6 отсто странски фудбалери. Таа бројка е најголема во англиската Премиер-лига во која 60 отсто од играчите беа странци. Најмногу странски играчи во Европа има Арсенал, дури 93,3 отсто, додека, на пример, во редовите на Атлетик Билбао нема странци.