Бизнисмен од Индија го купува Блекбурн?

Индискиот бизнисмен Ахсан Али Сијед е заинтересиран за купување на англискиот премиерлигаш, Блекбурн. Преговорите се во тек, тоа го потврдија обете страни, и се одвиваат во добра насока. Доколку завршат успешно, Сијед ќе му стави на располагање околу 100 милиони фунти за трансфери на менаџерот Сем Алардајс, а ќе потроши уште 200 милиони за враќање на клупските долгови.

Тимот од Ланкашир веќе три години бара с��пственик. Клубот моментно го водат луѓе на починатиот Џек Вокер, поранешен газда на „роверси“. Вокер го презеде Блекбурн во почетокот на 90-тите години од минатиот век и вложувањата му се исплатија во 1995 година кога Алан Ширер ја предводеше екипата до титула.