Јотовски елиминиран во Мостар
Седумнаесетгодишниот тениски репрезентативец на Македонија, Томислав Јотовски, не ги помина квалификациите за ИТФ-фјучерсот во Мостар, Босна и Херцеговина, кој се игра на земјена подлога и е со награден фонд од 15.000 американски долари. Откако на стартот го совлада Хрватот Винко Ојданиќ со 6-3, 7-5, во второто коло Јотовски загуби со 6-1, 7-6 (7) од вториот носител Антонио Санчиќ исто така од Хрватска, кој е 649. на АТП-листата во сингл. Најмладиот член на македонскиот Дејвис куп тим во вториот сет имаше дури седум сет-топки, а водеше и со 6-3 во доигрувањето, но на крајот загуби. (Р.Д.) |
