Зенит подготвува понуда за Горан Пандев
Рускиот тим Зенит, кој веќе две години ја одушевува Европа со своите игри, ќе излезе со официјална понуда за македонскиот репрезентативец и напаѓач на Лацио, Горан Пандев. Токму во Пандев раководството на Зенит гледа замена за Андреј Аршавин, првата ѕвезда на ЕП 2008, кој е пред излезните врати на клубот.
Оваа вест ја пренесе електронското издание „Трансфермаркет“, според кое рускиот клуб е подготвен за Пандев да плати девет милиони фунти.
Од друга страна руските медиуми ја пренесоа веста дека на крајот од домашниот шампионат тренерот Дик Адвокат, кој ја создадае оваа екипа, сака да си замине, односно да се врати во својата земја. „Веќе имам 60 години. И мојата желба е да бидам што повеќе со моето семејство. Презадоволен сум од работата во Зенит, и мислам дека може да направиме многу во Лигата на шампионите“, вели Адвокат. |
