| И МБИ 10 отиде нагоре по подолго време
Голем раст на цените на хартиите од вредност го окарактеризира вчерашното тргување на Македонска берза, што се случи по подолго време. Предводници на ваквиот тренд беа акциите на „Алкалоид“, „Макпетрол“, „Макстил“ и на „Гранит“, кои го доведоа индексот МБИ 10 до вредност од 1.719,65 индексни поени, односно пораст од 4,43 проценти. Раст од 0,69 проценти забележа и индексот на јавно поседуваните друштва, а единствено индексот на обврзниците падна за 0,02 процента. Вчера на пазарот на капитал беше остварен промет од 12,5 милиони денари, кој се реализира од 148 трансакции.
Први по обем на тргување на официјалниот пазар беа акциите на „Макпетрол“, кои при вчерашното тргување пораснаа за 8,64 проценти. Се истргуваа 87 акции по цена од 21.873 денари за акција. (Ек.Р.) |
