Магдинчев и Русевски во полуфиналето во Софија
Македонските тенисери Лазар Магдинчев и Предраг Русевски денеска ќе играат во полуфиналето во двојки на челинџерот Бугарија опен во Софија, кој се игра на земјена подлога и за награден фонд од 42.500 евра. Тандемот од Дејвис куп репрезентацијата на Македонија, кој е трет носител, во четврт-финалето им препушти само по еден гем во двата сета на Романецот Каталин Гард и на Германецот Алекс Зачко.
Пласманот во полуфиналето на Лазе и на Пецко им донесе по 24 поени за АТП-листата за играчи во двојки, како и делба на 920 евра. Последна пречка до финалето ќе им бидат Бугарите Григор Димитров и Тодор Енев. (Р.Д.)
|
