Грабулоски со скалпот на првиот носител во Скопје
Поранешниот тениски резентативец на Македонија, Димитар Грабулоски, целосно ја оправда вајлд картата од организаторот на фјучерсот „Мерцедес опен“, кој се одржува на земјените терени на Југ во Скопје, за награден фонд од 10.000 американски долари. Големата победа од 7-5, 7-5 над првиот носител Давид Савиќ од Србија, 435. на АТП-листата, му донесе на нерејтингуваниот Грабулоски полуфинален дуел со петтиот носител Барт Бекс (773.) од Холандија.
Меѓу осумте најдобри се проби и актуелниот репрезентативец Илија Мартиноски (1013.), кој лесно го совлада и Адријан Сикора (1129.) од Словачка со 6-2, 6-1 и синоќа требаше да игра со квалификантот Синиша Маковиќ (1290.) од Босна и Херцеговина.
Домашните тенисери одлично поминаа и во двојки. Страте Крстевски и Босанецот Марковиќ, по елиминацијата на првите носители Бекс од Холандија и Богдан-Виктор Леонте од Романија со 1-6, 6-4 10-8 во полуфиналето, без борба се пробија во финалето. Нивните противници Томислав Јотовски и Милјан Зекиќ од Србија го предадоа мечот бидејќи Томи отпатува за Англија, каде што денеска треба да стартува во квалификациите за јуниорскиот турнир на трева во Роехемптон. За пласман во финалето синоќа се бореа и Мартиноски и Шендрит Деари против вторите носители Александар Мариќ од БиХ и Србинот Савиќ. (Р.Д.) |
