Хидинк: Време е за промени во ФИФА

Прославениот холандски стручњак Гус Хидинк, моментно селектор на Турција, ��и поддржа Англичаните кои и се завртеа на ФИФА поради неодамнешниот избор за домаќинство на Светското првенство 2018 година. Хидинк во таа приказна беше дел од заедничката кампања на Холандија и Белгија. Англија, да потсетиме, беше убедена во победа, но на крајот славеше Русија.

„ФИФА мора да разбере дека има страшен проблем со имиџот. Сите бевме повикани во Цирих на два дена како би ги презентирале нашите завршни презентации. Англија имаше фантастична презентација. Но, од тоа немаше ама баш никаква корист. Зошто тогаш некој да вложува толку труд?“, прашува Хидинк. „Треба да имаме нов потполно чист извршен одбор, кој ќе носи одлуки на основ на транспарентни критериуми. Одлуката во натпреварувачкиот процес мора да се темели на цврсти аргументи“, додава Хидинк.