Шок во Сити, Тевез побара да замине

Карлос Тевез ја шокираше управата на Манчестер Сити, поднесувајќи барање да го напушти клубот во зимскиот преоден рок. Сето тоа во моментите кога Сити со победата на гостувањето кај Вест Хем (3:1) се израмни со Арсенал на чело на табелата.

Ваквата одлука на Тевез чуди затоа што само пред неколку дена изјави дека се чувствува среќен во клубот и дека недоразбирањата со Роберто Манчини се минато. „Разочарани сме, но мора да им потврдиме на нашите навивачи дека Тевез сака да замине. Ние тоа барање го одбивме, што е во склад со клупската политика која вели дека со играчите не се преговара среде сезона“, се вели во соопштението на управата.

Англиските медиуми наголемо пишуваа дека Тевез е скршен поради тоа што не е со своето семејство, кое е во Аргентина. Тевез со Сити има петгодишен договор, кој му истекува за три и пол години.