Кој заклучок од лидерската средба Протоѓер ќе му го соопшти на Нимиц?
Амбасадорот Никола Димитров и шефот на Кабинетот на премиерот, Мартин Протоѓер, вчера доцна попладне по американско време имаа неофицијална средба со медијаторот во грчко-македонскиот спор, Метју Нимиц, што е вообичаено пред официјалниот дел од разговорите закажани за денес околу 16 часот по македонско време.
На средбата, која е предвидено да трае 45 минути, се очекува Нимиц да го соопшти својот предлог или пакет-решение за разврска на спорот, за кој грчки медиуми веќе однапред предвидуваа дека „нема докрај“ да ја задоволи грчката страна. Грција бара име за северниот сосед различно од уставното кое би се користело и за внатрешна и за надворешна употреба, што имплицира уставни измени, но и засега во идентитетот, јазикот и културата на Република Македонија.
Но, токму зачувување на националниот идентитет, неменување на Уставот се прашања околу кои Македонија не може да се согласи и околу кои постои единственост во ставовите во земјава.
Ова и досега му било предочувано на Метју Нимиц, а како што дознаваме, Мартин Протоѓер добил инструкции на медијаторот да му го пренесе „заклучокот“ од лидерската средба (иако заклучок немаше), односно дека за македонската страна прифатливо решение за спорот со Атина е – двојната формула. Односно, едно име за универзална употреба и друго со кое Грција би и' се обраќала на Р. Македонија, кое треба да се договори.
Метју Нимиц од македонските претставници денес во Њујорк ќе сака да ги чуе забелешките на неговиот претходен предлог, односно да дознае со кои делови од неговиот предлог, пред да биде финализиран, се согласува македонската страна.
Но, на лидерската средба во понеделникот не беше постигната согласност околу ова и средбата на која присуствуваа челниците на сите политички партии во земјава, беше оценета како фијаско.
Од Кабинетот на шефот на државата и вчера предупредија дека двојната формула значи враќање назад и блокирање на преговарачкиот процес со опасност Македонија да биде обвинета дека не сака решение, иако од ова зависи НАТО и евроинтеграцијата на земјата.
Не е познато дали на средбата на Нимиц со Димитров и Протоѓер ќе биде присутен и грчкиот преговарач за името, Адамантиос Василакис. (Н.Р.)
Море, луѓе, дали преговори се за деца? Знаеме дека децата, кога ќе им ја земеш играчката, или плачат или се тепаат. Децата не преговараат. И, ние, очекуваме дека Грујо, Миле, Зоки, Горде, претставувани со Протоѓер, ќе преговараат за нашето добро?! Пусти желби!
Од: Makedonec
Датум: 08.10.2008 11:11:48
Абе овој Протугер што е по националност.
Од: Petre
Датум: 08.10.2008 12:27:04
edno e jasno...Atina bara vo pasosite da bide zapisana nacionalnost vo sklad so geografskata odrednica - firomakedonec, severnomakedonec, gornomakedonec...
>> a da prasam , dali na tie od North Ireland im pisuva severnoirec ??
Од: dias
Датум: 08.10.2008 14:45:47
do koga na B.C. nema da mu bide jasno sto e vistinskiot problem.uste kolku godini treba da pominat za da mu se razjasni nego i na negovata tajfa 'experti' frcko,guner.rizaov,saso,gero itn.
Од: Atanasija
Датум: 08.10.2008 15:25:27
Mislam,deka g.Nimic poveke znae za neuspesnata sredba na liderite na partiite so pretsedatelot na Drzavata i so premierot,kojsto ja svika sredbata,otkolku nie sto znaeme.Nie,drzejki se za tradicijata-ovoj pat neubavata tradicija udirame "koj v klin koj v ploca",samo mene me iznenaduva sto premierot e za dvojna formula a sekogas ja kritikuvase.Velese nie ne sme BJRM,a sega ne iznese ni eden zbor sto ovoj bi go zamenil pokraj ustavnoto ime na Drzavata,za koja ,na referendum site se soglasivme.Zosto premierot ne se obrati do Badinter?Ovoj gospodin sigurno ke najde odgovor na premierovata neresitelnost.Ili,neka pusti vremeto da mu tece pod mostovite na Vardar,no dotogas neka ne ne zamajuva.
