Ива Михајловска

Македонија со своја убавица на „Кралица на светот“

Вечерва во Нирбург, Германија, се одржува финалето на изборот „Кралица на светот 2010“, каде што ќе учествуваат повеќе од 60 девојки, од исто толку држави од целата планета.

Македонија ќе ја претставува 19-годишната Ива Михајловска од Скопје, која победи на изборот „Мис на Македонија 2010 за кралица на светот“, со што се здоби со правото на учество на овој силен светски натпревар на женската убавина.

Ива е членка на модното студио „Црнокрак“, кое ја поседува лиценцата за „Македонија за кралица на светот“, кое го организираше националниот избор, како и подготовките, патот и престојот на Ива во Германија. Ива веќе две недели е во Германија, каде што со сите други убавици беше на последни подготовки за финалето.