Новото фудбалско првенство на Македонија почнува на 3 август
Во хотелот „Континентал“ беше извлечена ждрепката за новото фудбалско првенство на Македонија која според календарот почнува на 3 август.
Во новата сезона во Првата лига ќе играат: Вардар, Работнички Кометал, Металург и Македонија ЃП од Скопје, Милано и Башкими од Куманово, Победа (Прилеп), Пелистер (Битола), Напредок (Кичево), Ренова (Тетово), силекс (Кратово) и Хоризонт (Турново).
Според ждрепката во првото коло на 3 август се среќаваат: Вардар-Победа, Башкими-Пелистер, Ренова-Силекс, Милано-Металург, Напредок-Работнички Кометал и Македонија ЃО-Хоризонт Турново.
Есенското првенство ќе заврши на 14 декември
Наедно, беше извлечена и ждрепката за првенството на Втората лига во која годинава ќе играат 16 клубови. Тоа се: Скопје, Локомотива, Алумина, Маџари, Слога Југомагнат и Цементарница од скопје, Шкендија (Тетово) Нов Милениум (Сушица), Охрид, Беласица (Струмица), Вардар (Неготино), Дрига (Боговиње), Кожув (Гевгелија), Тетекс (Тетово), Новаци и Миравци.
Првенството стартува еден ден пред Првата лига, на 2 август а есенската сезона ќе заврши на 22 ноември.
И годинава, од Втората лига ќе испаѓаат четири клуба затоа што лигата од сезоната 2009/2010 ќе брои 12 екипи.
Наедно, пред ждрепката за новата прволигашка и второлигашка сезона беа извлечени и двојките за шеснаесетфиналето на Купот на Македонија што се игра на 17 септември (среда). Се игра само по еден натпревар, победниците ќе се пласираат за осминафиналето. Во случај на нерешен резултат, нема продолжување, се изведуваат пенали за да се добие победникот.
Сите прволигаши, според пропозициите ќе гостуваат во шеснаесетфиналето и се среќаваат: Фортуна (Скопје)Победа, Охрид-Башкими, Брегалница-Хоризонт Турново, Караорман-Беласица, гостивар-Миравци, Тетекс-Македонија, Локомотива-Работнички Кометал, Нов Милениум-Цементарница, Кравари-Шкендија, Бабуна (с. Мартолци)-Вардар, Слога Југомагнат-Ренова, 11 Октомври (Прилеп)-Металург, Влазрими-силекс, Кожув-Пелистер, Дрига-Напредок, Вардино (Демир Хисар)-Милано. (М.М.) |
