Ван дер Сар се прости од репрезентативниот дрес
Поразот од Русија беше последниот натпревар за голманот на Холандија Ван дер Сар, кој има рекордни 128 настапи, а својот прв меч го одигра 1995 година под раководство на сегашниот селектор на Русија, Гус Хидинк. Инаку, тоа беше негов 16. натпревар на Европските првенства израмнувајќи го рекордот на Лилијан Турам.
"Не бевме доволно добри за да ги победиме Русите. Мора да се признае дека тие беа фантастични. Навистина е штета да се напушти турнирот на овој начин, а особено бидејќи стартувавме одлично. Сега може да се завртиме кон иднината. Но без мене. Никој никого не треба да го критикува за поразот, не е време за вперување прст на вина", изјави Ван дер Сар. |
