Церемонија
Доделени Ем-ти-ви музичките награди
Лос Анџелес, 11:01, 29 август 2011 - Иако Лејди Гага на доделувањето на музичките награди на Ем-ти-ви, што синоќа се одржа во Лос Анџелес, не се појави како жена, сепак оваа ноќ им припадна на жените, а ѕвезди на вечерта беа Кејти Пери и Адел, освојувајќи по три награди.
Свечената церемонија со енергичен настап ја отвори Лејди Гага. Пејачката со песната „You and I“ ја отпеа не како Гага туку како нејзиниот машки алтер его Џо Калдероне.
Со цигара во рацете Гага беше облечена во бела маица и црни панталони а пред изведбата одржа говор како Калдероне кој ја опсипа со пцовки и каде се критикуваше самата себе.
- Лејди Гага ме напушти. Полудев, но и таа е луда, рече Калдероне.
Вечерта помина во знак на сеќавањата на Ејми Вајнхаус. расел Бренд и Тони Бенет оддадоа почит на неодамна починатата пејачка. Бренд рече дека Ејми била гениј споредувајќи ја со Били Холидеј и Ела Фицџералд.
Пејачката Бијонсе ја искористи оваа прилика и објави дека таа и нејзиниот сопруг репер Џеј-зи го очекуваат своето прво дете.
Иако самото доделување на наградите помина во втор план, вреди да се напомене дека Гага освои две награди, а со празни раце не заминаа ни Бритни Спирс, Џастин Бибер, Бијонсе...
Добитници на музичките награди на Ем-ти-ви за 2011 се:
Видео на годината: Кејти Пери, „Firework“
Млад уметник: Тајлер, The Creator
Машко видео: Џастин Бибер, „U Smile“
Женско видео: Лејди Гага, „Born This Way“
Хип-Хоп видео: Ники Минај, „Super Bass“
Поп видео: Бритни Спирс, „Till The World Ends“
Рок видео: Фу Фајтерс, „Валк“
Најдобра соработка: Кејти Пери и Кание Вест, „Е.Т.“
Видео со пораки: Лејди Гага, „Born This Way“
Кореографија: Бијонсе, „ Run The World (Girls)“
Монтажа: Адел, „Rolling In The Deep“
Специјални ефекти: Кејти Пери и Кание Вест, „Е.Т“
Кинематографија: Аделе, „Rolling In The Deep“
Најдобро уметничко дело: Аделе, „Rolling In The Deep“
Најдобра режија: Аделе, „Rolling In The Deep“. (МИА)
|
