Насловна

Венчавки

Србинките жени на светски богаташи

9:45, 29 август 2011, Убавите и познати Србинки речиси по правило бираат уште попознати и богати мажи. Јелена Јаковљевиќ, Сандра Мељниченко, Емина Јаховиќ, само се некои од нив.

„Хеј Шеки, Шеки, тако ти Алаха, довешќу те Шеки до просјачког штапа“, токму стиховите на популарната песна на Лепа Брена, можат да се поистоветат со мажењето на српската манекенка Јелена Јаковљевиќ за шеикот Саид бин Драија.

Поранешната мис на Југославија секако е број еден која успеа да ја претвори во пари својата убавина со венчавката за светски богаташ. По неколку години кариера како модел во Обединетите Арапски Емирати, Јелена се омажи за Саид бин Драија, чие богатство се проценува на неколку м��лијарди долари. Семејната компанија на Саид „Бин Драи ентерпрајз“ се занимава со увоз на челик и градежен материјал, како и изградба, продажба и изнајмување на недвижнини, и тоа на најскапи локации во Дубаи. Поранешната мис на Југославија на свое име има ланец салони за убавина за жени и мажи, сопствена колекција на чевли, чанти и колани, но и луксузниот хотел „Парк плејс“.

Две девојки од поранешниот атрактивен четворочлен состав „Моделс“ исто така станаа милијардерки по венчавките. Белграѓанката Сандра Николиќ се омажи за рускиот банкар Андреј Мељниченко, чие богатство стекнато со производство на јаглен и минерално ѓубриво, изнесува околу 6,2 милијарди долари. Нивната гламурозна свадба од бајките чинеше дури 35 милиони долари, а се зборуваше дека Сандра за секогаш „го купила“ Андреј, поклонувајќи му рачен часовник кој го платила 20.000 евра. Другата девојка од „Моделс“ Ивана Берендика се заколна на вечна љубов со многу постариот Томас Јермолук, финансиер на популарниот интернет пребарувач „Гугл“. Ивана и нејзиниот сопруг живеат во Мајами во вила од седум милиони долари, а во низата скапоцени подароци кои сопругот и ги подарувал се издвојува мобилниот телефон украсен со дијаманти, платен половина милион евра.

Манекенката и глумица Ивана Божилов се венча за милионерот Ендрју Фајерстон, правнук на основачот на компанијата за производство на гуми „Фајерстон“. Ивана е родена во Белград, но пораснала во Чикаго, каде почнала да се бави со манекенство, а подоцна со глума. Пред неколку години се најде на листата на 100 најубави жени во светот.

По две годишна врска, поп ѕвездата Емина Јовиќ одлучи да се омажи за славниот турски пеач Мустафа Сандал, со кој во 2008 година се вери во Сент Мориц. Прекрасната свадба била организирана во Истанбул на 13 јануари истата година, а по седум месеци го добија синот Јаман.

Американската глумица со српско-италијанско потекло Сузана Дробњаковиќ пред неколку години се омажи во Женева за филмскиот режисер Едуард Понти, син на легендарната глумица Софија Лорен. Моментално најуспешната српска глумица во Холивуд е родена во 1975 година во Лос Анџелес и иако никогаш не била во Србија, течно го зборува српскиот јазик. По средното образование работела како манекенка, а се прослави со улогите во сериите „Маринци“ и „Досоновиот свет“, како и во филмот „Невозможна мисија 3“.

За странец е мажена и драмската писателка и политичарка Билјана Србијановиќ. Таа судбоносното „да“ го кажала на Габриел Келера, поранешен амбасадор на Република Франција во Белград. (Вечерње новости)