Срцев удар

Почина јапонскиот фудбалер Мацуда

04.08.2011, 13:33

Поранешниот јапонски репрезентативец Наоки Мацуда почина, откако три дена беше на интензивна нега во болницата во Токио.

Причина за смртта е срцев удар, објавија лекарите. Мацуда колабира на теренот за време на тренингот во понеделникот. Триесет и четиригодишниот одбранбен фудбалер беше приклучен на респиратор и се наоѓаше во критична состојба.

Наоки Мацуда играше за селекцијата на Јапонија на Светското првенство во 2002 година. Во дресот на "самураите" одигра 40 натпревари. Наоки е поранешен фудбалер на екипата на Јокохама Маринерс, а од летово настапуваше за екипата на Мацумото Јамага.