Ејми Вајнхаус

Тајна свршувачка пред смртта

Неколку недели пред трагично да заврши, Ејми Вајнхаус се свршила со режисерот Рег Тревис. Според зборовите на близок пријател на Рег, неодамна и' купил дијамантски прстен на Ејми и ја прашал да се омажи за него. Таа воодушевено прифатила, што било и логично, зашто го обожавала.

„Се' што сакаше беше да се омажи за него и да основа семејство. Од се' срце сакаше да се ослободи од своите демони“, изјавил изворот близок на Тревис. Според зборовите на блиските луѓе, парот се свршил неколку седмици пред нејзината смрт и планирал да се венча идната година. Не е никаква тајна дека Рег е сосема скршен и тажен откако починала Ејми. Тој дури неодамна првпат проговорил за своите чувства.

„Последните денови беа вистински пекол. Претрпевме немерлива загуба и сега сакаме само малку ��ир“, изјавил Тревис.

Таткото на Ејми, Мич, по погребот, истакнал дека Рег многу и' помогнал на неговата ќерка и дека таа ја пронашла љубовта со него. А како што пренесуваат упатените, Рег бил тотална спротивност на Блејк Филдер Сивил, за кого многумина мислат дека е виновен што почнала да се дрогира. Сепак, Тони Азопарди, дилер на дрога, кого полицијата го испитувала, тврди дека токму Рег бил тој што и' помогнал на Ејми да купи кокаин и хероин во вредност од 1.200 фунти пред да умре. Според неговите зборови,токму тој и' помогнал на пејачката да купи наркотици од А-класа во раните утрински часови на 23 јули, истиот ден кога е најдена мртва во својата куќа.

Причината за смртта на Ејми не е разјаснета, а татко и' им рекол на истражителите дека таа водела тешка битка со алкохолот и со наркотиците и дека резултатите од токсиколошкиот наод ќе бидат познати дури за три недели.