РАСЕЛ БРЕНД

Запален по Лејди Гага

Комичарот Расел Бренд, познат по својата сексуална зависност, овој пат се запалил на Лејди Гага. Тој неодамна изјавил дека Гага е многу страсна жена и би била способна да виси и на лустер. Признал дека во неа ја препознал својата сродна душа и изјавил дека контроверзната пејачка може да ги задоволи сите негови сексуални апетити.

„Таа е неверојатна. Се обложувам дека би можела цела ноќ да се ниша на лустер. Со неа никогаш не знаеш каде си. Мислам дека расположението покрај неа би ми се менувало неколку пати на ден“, изјавил Бренд.

Пејачката не ја коментирала неговата изјава, но сигурно е дека нема да му остане должна. Расел неодамна ја прекинал повеќемесечната врска со својата девојка, а причина за тоа била неговата зависност.