ЕВА ЛОНГОРИЈА

Невидено вамп-издание

Кога е во прашање сексапилната Ева Лонгорија, навикнавме да ја гледаме во романтични и гламурозни фустани. Но, сепак, таа успеа да изненади со новиот вамп-имиџ, која си го дозволи за фотосесијата за насловната страница на магазинот „Ситизен Кју“.

Лонгорија целосно се преобрази од очајна домаќинка во вамп-заводничка за познатиот француски магазин.

Нејзините препознатливи локни ги замени со строга и црна полудолга перика со кркми, а наместо романтичен долг фустан, на себе носеше само хулахопки, градник, боксерки и сако. Ева била инспирирана од Лејди Гага.

Ја фотографирал Рувен Афандор. Можно е да го послушала советот на пријателката Викторија Бекам дека треба да експериментира со имиџот.

Неодамна Ева изјавила дека во Викторија гледа свој идол. Освен што и двете се омажени за спортисти, таа и' се восхитува на Викторија за способноста да биде мајка, но и гламурозна и деловна жена во исто време.