Еротската песна на Иво Санадер ја крена Хрватска на нозе
Поранешниот хрватски премиер објавил еротска песна во женски род во „Слободна Далмација“ во 1987 година
„Доста ми е од половни луѓе. Сакам, конечно, машки да ме... Балкански. И тоа сега. Веднаш“, се првите стихови од песната на поранешниот хрватски премиер Иво Санадер, објавена во 1987 година во „Слободна Далмација“, под наслов „Nenia Salonitana“ („Салонитанска тажаленка“). Еротската поезија на Иво Санадер, напишана во женски род, во време додека бил директор на издавачка куќа и соработник на „Слободна Далмација“, предизвика лавина реакции во хрватската јавност, но и во соседството.
Меѓу другото, песната која е посветена на мистериозна личност со иницијали Ј.П., по повеќе од 20 години од своето издавање станува инспирација за театарска претстава. Мани Готовац, бивша управничка на ХНК, планира за една година да основа приватен театар кој ќе изведе текст инспириран од стиховите од младоста на Санадер.
„Таа сексуално еруптивна песна ме испровоцира да приредам претстава која би се занимавала со многу присутното лицемерство кај нас на јавно изигрување на конзервативните и католички вредности зад што се крие приватно однесување кое, судејќи според се', не е во согласност со нив“, објасни Готовац.
Книжевните стручњаци сметаат дека песната на Санадер нема голема врска со книжевноста, туку дека се работи за фрустрација на големи амбиции и мал талент, упатувајќи дека најдобро објаснување би можел да даде психолог или психијатар.
„Очигледно се работи за егзибиционизам со голема доза на сексуални фантазии. Нормалните еротски песни се сензуални, романтични, меѓутоа овде станува збор за личност која има тешкотии да ја раздвои физичката агресивност од својата сексуалност. Тоа се луѓе мотивирани од длабоки и скриени сексуални нарушувања кои се изразуваат како агресивност...“ коментира анонимен хрватски психолог.
Nenia Salonitana
Доста ми е од половни луѓе.
Сакам, конечно, машки да ме...
Балкански...
И тоа сега. Веднаш. Nunc aut numquam.
Доста ми е од половни луѓе.
Кој ќе ме, ах, кој ќе ме, конечно, машки?
Треперам возбудена. Да зачекорам во историјата?
Quid multa? Мажиште чекам. Да ме докрајчи!
Доста ми е од половни луѓе.
Numerus Negidius. Запри ја, конечно, агонијата.
Досадна низа историски гуштери.
Faex populi.
Чекај со асфалтот. Првин искорени.
Доста ми е од половни луѓе.
Од Авар до денес. Расчисти се', конечно.
O, sancta simplicitas. Фати ме машки!
Не двоуми се. Искорни. Ob maiorem cautelam.
Доста ми е од половни луѓе.
По петти пат. По којз��ае кој пат. Конечно!
Сврши! O fictus possessor. Во спомен:
со моето име наречи го патот.
Nuper obiit.
Латински изрази:
nenia Salonitana – салонитанска тажаленка
nunc aut numquam – сега или никогаш
quid multa – зошто многу (зборување)
Numerus Negidius – сопствено име
faex populi – измет на народот
o sancta simplicitas – свет на едноставноста
ob maiorem cautelam – од поголема претпазливост
fictus possessor – лажен сопственик
nuper obiit – неодамна починат
|
