„Октоберфест“ во Скопје

Ако не можеме во Минхен на „Октоберфест“, „Октоберфест“ дојде кај нас, во Македонија, барем за една вечер. Во средата вечерта, во организација на Германското стопанско здружение во Македонија, беше организирана вечер со пиво, традиционални германски колбаси, германски переци... што придонесе барем во шаторот кај салонот на „Мак аутостар“ да се почувствува атмосферата на најпознатиот светски пивски фестивал. Амбасадорката на Германија, Марија Урлике Кноц, му даде „официјален тон“ на „Октоберфест“ во Скопје.