Магазин

Зумирано

Во своја кожа

Кристал Рен, моделка со ренесансни облини и број на гардеробата ХЛ, не работела секогаш во "Форд агенција за крупни". Ги помни деновите кога била манекенка како и сите други, а згора на се' и со празно срце и уште попразен желудник.

Вообичаеното мени - зелена салата, а ужинка - мастика за џвакање не и' ги подгревало мислите. Така со години. "Бев гладна, депресивна и асексуална", вели Кристал. Кога се' си дојде на свое место таа го смени изгледот, менито и мислите. На крај се чувствува како жена.

Кукла за фанови

Барбара Стрејсенд никогаш не важела за убавица, ама она нешто што оваа 67- годишна вонсериска пејачка и актерка го има, не е секојдневна работа. Тоа веројатно ги предизвикало луѓето од "Мател" да направат кукла со нејзин лик, која и не така евтина. Еве што вели една комерцијална анкета, поврзана токму за куклата Стрејсенд - нема да ја купуваат децата, туку нејзините фанови. Мало ама избрано друштво.

Српски домаќинки ќе очајуваат кај Бреговиќ

По драмската серија "Јелена" правена по урнек на шпанските серии, нашите соседи Срби се наоѓаат пред нов предизвик. Планираат сапуница "Српски очајни домаќинки" (инспирација е од постојната американска серија) насочена на четири интересни женски лица.

Едната е зависна од секс, другата од сплетки... Два лика ќе толкуваат девојките од "Операција триумф" - Ана Бебиќ и Милица Мајсторовиќ, а местото на случување е куќата на Горан Бреговиќ, кој како добар домаќин овој заем - добро ќе го наплати.

Тенџериња и капаци

Ема Хеминг, сопругата на Брус Вилис, е 22 години помлада од него. Што велат, може ќерка да му биде... И во согласност со годините и почитувањето, Ема е трпелива, нежна, молчалива, попустлива, полна со восхит и вообичаените брачни критики ги претвора во комплименти. Ете, зошто старите ги сакаат младите.

Намалување на гради

Убавата Катрин Хигл, за разлика од своите колешки кои ставаат силикони, има природен вишок.

"Доколку се решам за пластична хирургија ќе ги намалам градите, а веројатно ќе треба да ја намалам и храната", вели актерката.

Така е тоа со луѓето - што немаш тоа ти недостасува, што имаш, тоа е вишок!

Борба за простор

Тоа што се познати и славни не го менува природниот концепт. Сестрите Дани и Кајли Миног ги носат карактеристиките на сите крвни врски - се натпреваруваат, се дополнуваат и многу се караат.
Интересна работа е таа доминацијата.

Жена од гума

Пенелопе Круз има многу скриени таленти, а еден од нив дефинитивно е телото. Го витка, превиткува, скока, прави мост и шпага. Сакате доказ? Погледнете ја фотографијата.