Катар дава седум млрд. евра за „Порше“
Катар понуди седум милијарди евра (9,8 милијарди долари) за дел во сопственоста на „Порше“, што ќе и' овозможи на германската компанија за луксузни автомобили значително да ги намали своите долгови, соопштија светските агенции.
Понудата е дадена од име на државниот инвестициски фонд на Катар до „Порше холдинг“, кој поседува мнозински дел во „Фолксваген“, посочува банкарски извор, цитиран од германските медиуми.
„Порше“ натрупа долгови од 9 милијарди евра поради купувањето акции и опции за акции минатата година на тендерот за придобивање на најголемиот автомобилски производител во Европа - „Фолксваген“. Тој се здоби со поголем дел од деловите на компанијата, но не и со контрола врз неа.
Катар, кој со седмици преговара со „Порше“, ќе добие повеќе од 25 проценти од деловите на холдингот и опции за акции на „Фолксваген“, кои досега беа во сопственост на „Порше“, пишува „Шпигел“. (МИА) |
