Мик Џегер

Биографиите се пишуваат само за пари

Откако Кит Ричардс во својата автобиографија „Живот“ не го поштеди од критики Мик Џегер, фронтменот на „Ролингстоунс“, четивото на својот пријател и колега го нарече „здодевно и заморно“. Но, тоа не беше крајот на размислувањето на Мик.

„Своите мемоари никогаш нема да ги напишам. Немам потреба од тоа. Сите многу добро знаат дека луѓето ги пишуваат автобиографиите исклучиво за пари“, смета Џегер, кој очигледно никако не може да се помири со она што за него на целиот свет му откри Ричардс. Имено, таму стои дека Џегер е егоманијак, кој сака се' да има под контрола, поради што бендот некогаш страдал, како и поради неговите лоши одлуки.

Освен тоа, дрдорливиот Кит го удрил Џегер таму каде што најмногу го боли - големиот женкар, наводно, има мал пенис. Кога Мик го прочитал тоа во медиумите, буквално полудел. И покрај препукувањата, Мик и Кит и понатаму одлично соработуваат и се добри пријатели, па планираат нова светска турнеја со бендот идната година.