Проклетството на Златната топка: Меси како Еузебио, Кројф и Баџо

Проклетството на „Златната топка“ продолжува. Речиси сите играчи кои се наградени со престижната награда на „Франс фудбал“ на следната смотра не успеале да ја донесат својата репрезентација на тронот. Уште еден во низата играчи кои прерано заминуваат од Мундијалот е Лео Меси. Поразот од Германија фрли црна дамка на досегашната негова кариера.

1957 година - Фудбалерот на Реал М. и на шпанската репрезентација Алфредо ди Стеафано ја освои наградата на „Франс фудбал“. Меѓутоа неговата Шпанија не успеа ниту да се квалификува на првенството

1961 - Уште еден Аргентинец, но во дресот на Италија, ја освои „Златната топка“ - Омар Сивори. Година потоа Италија разочара и не успеа да ја мине групната фаза. Во 1965 година награден е Еузебио, ама сметките му ги расипаа Англичаните со Боби Чарлтон.

1969 - наградата ја однесе Џани Ривера, меѓутоа една година подоцна го засени Герд Милер. Во 1973 година со Европа „владееше“ Јохан Кројф кој ја одведе Холандија до финалето, ама против Германија не одеше.

1977 - „топката“ отиде во рацете на Данецот Алан Симонсен, меѓутоа Аргентина ја освои првата титула. Во 1981 година проклетсвото продолжува откако наградата ја освои Карл Хајнц Румениге, а првак на светот стана Италија. Во 1985 година за најдобар играч прогласен е Мишел Платини, но пресилна беше Арегентина.

Во 1989 година најдобар фудбалер беше Марко Ван Бастен, кој исто така немаше сила да дојде до титулата - најмоќна беше Германија. Во 1993 година Роберто Баџо беше најекспонираниот, но ниту тој немаше сила против силниот Бразил. Во 1997 година брилјираше Роналдо, но финалето со Бразил беше максимумот. Франција беше најдобра.

Во 2001 година наградата ја освои Мајкл Овен, но Англија дојде до четвртфиналето. Во 2005 награден беше Роналдињо, ама светски правци се Италијанците. Минатата година најдобар беше Меси, но Аргентина нема да биде светски првак. Да, проклетството продолжи!