„Скај Њуз“
Гадафи се крие во бункер под хотелот „Риксос“
24.08.2011, 15:27
Либискиот лидер Моамер Гадафи веројатно се наоѓа во бункер под хотелот „Риксос“ во југозападниот дел на главниот град Триполи, објави телезивијата „Скај њуз“.
Телевизијата се повикува на свој дописник, кој се наоѓа во хотелот „Риксос“. Според последните информации во хотелот се уште се наоѓаат 30 луѓе, меѓу кои и десетина странски новинари, кои се задржани како заложници од вооружени лица, лојални на полковникот Моамер Гадафи.
Областа околу хотелот се смета за центар на најинтензивните борби за преземањето на Триполи.
Хотелот „Риксос“ се наоѓа во непосредна близина на резиденцијата на Моамер Гадафи Баб ал Азизија, ��оја вчера падна во рацете на бунтовниците. Моментално комплексот е под контрола на бунтовниците, но во околните згради се сместени војници лојлани на режимот кои постојано ги бомбардираат отворените зони, низ кои се движат бунтовничките сили.
|
