Намален бројот на вработени во индустријата

Бројот на работниците во индустријата во март годинава во однос на март лани е помал за 0,7 отсто. Во првите три месеци од годинава, пак, споредено со првиот квартал минатата година, намалувањето е 1,4 проценти, соопшти Државниот завод за статистика.

Бројот на работниците во секторот рударство и вадење камен во март е поголем за 1,2 отсто, во секторот преработувачка индустрија бележи опаѓање од еден отсто, а во секторот снабдување со електрична енергија, гас, пареа и климатизација има пораст од 0,6 отсто.

Според главните индустриски групи, бројот на работниците во индустријата во март 2012 година, во однос на март 2011, бележи пораст кај енергијата за 0,4 отсто отсто и кај нетрајни производи за широка потрошувачка за 0,4 отсто. (Ек.Р.)