Претходен број

Русија се сомнева во „источното партнерство“

Претставници на ЕУ се обидоа ја убедат Русија дека тоа не е е нов формат против Русија

Од нашиот дописник
Бранко Влаховиќ

МОСКВА - Претставниците на ЕУ се обидоа да не убедат дека "источното партнерство" нема да и штети на Русија но сепак не успеаја да не уверат во тоа. Засега не е јасно како ќе се спроведува тоа партнерство, но факт е дека нек��и земји тоа го доживуваат како нов формат против Русија", изјави Димитриј Медведев на заедничка прес конференција со лидерите а ЕУ, по дводневниот Самит Русија-ЕУ во рускиот град Хабароск.

Тој уште додаде дека Русија го поздравува тоа партнерство, доколку се работи за економска соработка, но е загрижена поради тоа што некои антируски расположени земји настојуваат да се консолидираат со европските земји. Иако Медведев не спомена имиња јасно е дека тоа се однесуваше за Грузија. Во "источното партнерство" влегуваат Азербејџан, Ерменија, Грузија, Украина, Белорусија и Молдавија.

Што се однесува до главната тема на Самитот како Русија и Европа заеднички да ја пребродат светската финансиско-економска криза, едногласна беше оценката дека за жал денес со сигурност не може да прогнозира до кога таа ќе трае. За кризните региони пред се за Авганистан, Пакистан, потоа атомската програма на Иран, ситуацијата на Блискиот Исток но и конфликтите во Европа решавањето на проблемот на Кипар, Косово, Придњестровје и Грузија, ЕУ и Русија и натаму имаат добро познати ставови и разлики кои не се продлабочуваат, но не се ни смалуваат.

На заедничката прес конференција Медведев предупреди дека Европа одново може да има проблеми со добивање на гас не затоа што Русија така сака туку затоа што Украина нема пари да го плати "синото гориво".

"Русија нема причини да и дава гаранции на Европа дека идната зима без прекин ќе испорачува гас бидејќи ние ни до сега не создававме проблеми. Ние сме подготвени да и помогнеме на украинската влада, но би било добро Европа да размисли и да и даде кредит на Украина", објасни Медведев.

Раководството на Русија и понатаму инсистира да се поработи на новиот систем на енергетска безбедност. На другата страна претседателот на Европската комисија Жозе Баросо изрази уверување дека нема причини да се пишува нова енергетска декларација бидејќи и оваа сегашната е добра. Патем речено таа декларација не ја потпиша Русија чиј гас тече кон европските држави преку Украина. Во Москва се уверени дека постоечката енергетска декларација не е ефикасна и поради тоа Украина во почетокот на секоја година ја затвара славината и доведува до "гасна диета". По Самитот во Хабароск претседателот на Еврокомисијата Жозе Баросо рече дека во ЕУ сметаат дека е значајно Русија што побргу да стане членка на Светската трговска организација за што се водат преговори веќе 15 години.