Еспањол ја запре Барселона!

Со Максвел во стартната постава и со Педро и Меси во шпицот пред Чави, Гвардиола се надеваше дека препознатливата ефикасност на актуелниот првак брзо ќе дојде до израз, но првите шанси ги имаа домаќините и тоа првата во третата минута кога Пике очајно врати до Валдес.

Поради тоа што работите не се одвиваа како што замисли, Гвардиола по еден час игра на местата на Туре и на Милито ги внесе Анри и Кеита, но од иницијативата и саканиот погодок, не само што немаше ништо, туку исклучувањето на Дани Алвеш во 62 минута поради втор жолт картон, потполно ги исфрли гостите од колосек.

Ниту солидните навлегувања на Меси ниту влегувањето на Ибрахимовиќ на десетина минути пред крајот, не го запреа Еспањол во намерата да остане непоразен во градското дерби, па така Барса му побегна на Реал на четири бода, но „кралевите“ вчера играа против Валенсија.

Примера, 33. коло: Севилја - Спортинг 3:0, Еспањол - Барселона 0:0, Вилјареал - Ателетико 2:1.

Табела: Барселона 84, Реал 80 (-1), Валенсија 59 (-1), Мајорка 52 (-1), Вилјареал 49...