„Пајажина“
Продолжен притворот против обвинетите
20.06.2011, 15:41
Притворот на обвинетите во случајот познат во јавноста како „Пајажина“ продолжен е на дополнителни 30 дена, а продолжена е и мерката куќен притвор, против останатите обвинети од истиот случај.
Вака реши денеска Кривичниот совет при Одделението за организиран криминал и корупција на Основниот суд Скопје 1 .
Дел од обвинетите за случајот пајажина, меѓу кои е и сопственикот на А1 телевизија, се наоѓаат во притвор уште од 23 декември 2010 година.
Покрај сопственикот на А1, во случајот „Пајажина“ се обвинети уште 22 лица за, како што е наведено во обвинението, злосторничко здружување, перење пари, злоупотреба на службеното овластување, даночно затајување и оштетување на доверители.
|
