Женева – Генералниот секретар на ОН, Бан Ки Мун, изрази вчера крајна загриженост поради забрзаното климатско затоплување, предупредувајќи дека „светот се движи кон пропаст“. „Нашата нога цврсто притиска на педалот за гас и се движиме кон пропаст“, изјави Бан во говорот на климатската конференција на ОН, која од почетокот на неделава се одржува во Женева, пренесува Макфакс.
Генералниот секретар на Обединетите нации (ОН) ја упати оваа алармантна порака откако се врати од Арктикот каде што лично се увери во последиците од климатските промени.
„Со години научниците се обвинуваат дека се паничари. Вистинските паничари се оние што говорат дека не можеме да си дозволиме акција за климата, бидејќи тоа го забавува економскиот раст“, посочи Бан, оценувајќи дека климатските промени можат да предизвикаат масовна катастрофа. (Макфакс)
Па нормално дека е загрижен,кога гледа дека денешниве вождови пресметале дека како и да е до нивната смрт тоа нема да се случи.Треба итно целиот свет да се загрижи и самиот превземе акција ,секој поединец,за себе,колку што може.Инаку,ако чекаме од големците,ја утнавме работата.Нивни приоритет е да ја искористат положбата *до даски*,за другото не им е гајле.Удри,животот е ден,за утре ич не ми а гајле,секако после смртта ме чека пеколот,па нека и жививе го видат уште овде...
