(ФОТО) Марлен Дитрих - испирација на колекцијата на Јована Филиповиќ



Победничката на конкурсот за нов дизајн на шишето на „Пелистерка“ имаше прво претставување на своја колекција на Втората вечер на Моден викенд - Скопје

ФОТО: Петр Стојановски

Втората вечер на Моден викенд - Скопје, се случи вчеравечер, во ланџ-барот „Арабеска“, каде победничката на конкурсот за нов дизајн на шишето на „Пелистерка“, во минатата сезона, Јована Филиповиќ имаше прво претставување на своја колекција на ова модно доживување. Всушност тоа беше е едно мултимедијално изразување на Јована, чии модели освен со ревијата во живо, беа претставени и со изложба на фотографии.

Колекцијата „The Gentelwomen“, која Јована Филиповиќ ја претстави на втората вечер од 6. Моден викенд - Скопје, е инпирирана од фамфаталниот машки сензибилитет на Марлен Дитрих- нејзината уникатна привлечност, безвременска убавина, елегантна женственост и софистицираност, а во исто време и неверојатна моќ, сексуалност и машка енергија. Колекцијата се состои од 22 модела: фустани, здолништа, панталони, палта и различни модни додатоци. Но она што беше карактеристично и необично во креациите на Филиповиќ беа вметнатите лед - диоди во дел од моделите на модните додатоци. За овој спој на модата и технологијата, Јована Филиповиќ вели дека е веќе препознатлив момент во нејзиното творештво, кои му даваат тежина на луксузните, а сепак едноставни парчиња. (Ј.П.)